Category: QURAN STUDIES

മനുഷ്യ ജീവിതത്തില്‍ മതത്തിനുള്ള സ്ഥാനമെന്ത് എന്ന ചോദ്യത്തിനുള്ള ഉത്തരമാണ് ഈ കൃതി. ശാസ്ത്രത്തിനും പ്രത്യയശാസ്ത്രങ്ങള്‍ക്കും ജീവിതവുമായി ബന്ധപ്പെട്ട അടിസഥാന പ്രശ്നങ്ങള്‍ക്ക് നല്‍കാന്‍ സാധിക്കുന്ന ഉത്തരവും മതം നല്‍കുന്ന ഉത്തരവും തമ്മില്‍ താരതമ്യം ചെയ്തുകൊണ്ടാണ് ഗ്രന്ഥകാരന്‍ തന്‍റെ നിഗമനങ്ങളെ സ്ഥാപിക്കുന്നത്. ഇസ്‌ലാമിന്‍റെ ആധാരങ്ങളെ സാമൂഹികവും വൈയക്തികവുമായ തലത്തില്‍ നിന്നുകൊണ്ട് മനസ്സിലാക്കാന്‍ ഈ കൃതി പ്രയോജനപ്പെടും.

വിശുദ്ധ ഖുര്‍ആനിന്‍റെ ദിവ്യജ്യോതിസ്സ് അടുത്തറിയാന്‍ ആഗ്രഹിക്കുന്നവര്‍ക്ക് ഒരുവഴികാട്ടി. മുന്‍ വേദങ്ങളില്‍ നിന്ന് വേറിട്ടുനില്‍ക്കുന്ന ഗ്രന്ഥം, ഖുര്‍ആന്‍ ഒരു പ്രേരക ശക്തി, പഠനവും വ്യാഖ്യാനവും ചില അടിസ്ഥാന തത്വങ്ങളും തുടങ്ങിയ ശ്രദ്ധേയമായ പഠനങ്ങള്‍ ഈ കൃതിയെ വ്യത്യസ്തമാക്കുന്നു.

ഖുർആൻ പരാമർശിച്ച പുരാജീവശാസ്ത്ര സൂചനകളിലേക്കുള്ള ഒരെത്തിനോട്ടമാണ് ഈ കൃതി. പ്രപഞ്ചത്തിലും സൃഷ്ടിയിലും അടങ്ങിയിട്ടുള്ള രഹസ്യങ്ങളെ ഈ കൃതി പഠന വിധേയമാക്കുന്നു. ഖുര്‍ആന്‍ അന്വേഷകര്‍ നിര്‍ബന്ധമായും വായിച്ചിരിക്കേണ്ട കൃതി.

വിശുദ്ധ ഖുർആൻ പഠിക്കേണ്ടതിന്‍റെ പ്രാധാന്യവും പാലിക്കേണ്ട രീതികളുമാണ് ഈ ഗ്രന്ഥത്തിൽ. ഖുർആനിക വചനങ്ങളെ മാത്രം ഉൾകൊള്ളിച്ചു കൊണ്ടുള്ള ഈ പ്രതിപാദനം ശ്രദ്ധേയമാണ്.

ഖുര്‍ആനിന്റെ ഓരോ വായനാനുഭവവും പുതിയ ആശയ പ്രപഞ്ചങ്ങളിലേക്കുള്ള കവാടങ്ങളാണ്. ഖുര്‍ആന്‍ വിവര്‍ത്തനവും വ്യാഖ്യാന ഗ്രന്ഥങ്ങളും വ്യത്യസ്തമായ കവാടങ്ങള്‍ തുറന്നിടുന്നു. ഇംഗ്ലീഷ് ഭാഷയിലെ ശ്രദ്ധേയമായ അല്ലാമാ യൂസുഫലിയുടെ ഖുര്‍ആന്‍ വ്യാഖ്യാന ഗ്രന്ഥത്തിന്റെ മൊഴിമാറ്റമാണ് ഈ കൃതി. മനോഹരമായ ഭാഷ ഈ കൃതി വ്യത്യസ്തമാക്കുന്നു.

വിശുദ്ധ ഖുര്‍ആനിലെ അവസാന ജുസ്അ് സൂറത്തുന്നബഅ് മുതല്‍ അന്നാസ് വരെയുള്ള അധ്യായങ്ങളുടെ ആസ്വാദന പാഠങ്ങള്‍. ഭാഷാര്‍ഥവും പദവിശകലനവും സൂക്ഷ്മമായ വ്യാഖ്യാനവും ഉള്‍ക്കൊള്ളുന്ന അവതരണ രീതി ഖുര്‍ആന്‍ പഠിതാക്കളെ ആകര്‍ഷിക്കും.