Category: ISLAMIC CULTURE

1920കളില്‍ മദ്രാസിലെ ക്ഷണിക്കപ്പെട്ട ഉദ്ബുദ്ധ സദസ്സിന് മുമ്പാകെ പിക്താള്‍ നിര്‍വഹിച്ച പ്രസംഗത്തിന്‍റെ പുസ്തക രൂപമാണിത്. ഇസ്‌ലാമിക സംസ്കാരത്തിന്‍റെ വ്യത്യസ്ത തലങ്ങളെ അഗാധമായി പരിശോധിക്കുകയും ആധുനിക മുസ്‌ലിം സമൂഹത്തിന്‍റെ വീഴ്ചകള്‍ ചൂണ്ടിക്കാണിക്കുകയും ചെയ്യുന്ന പിക്താള്‍ സര്‍ഗസാഹിത്യ രംഗത്ത് തന്‍റെ ഉജ്വല പ്രതിഭ തെളിയിക്കുകയാണിതില്‍. ഇക്കഴിഞ്ഞ നൂറ്റാണ്ടില്‍ ഇസ്‌ലാമിക സാഹിത്യലോകത്ത് പ്രസിദ്ധീകരിച്ച വിലപ്പെട്ട കൃതികളിലൊന്നാണിത്. ഇസ്‌ലാമിന്‍റെയും ഇസ്‌ലാമിക സംസ്കാരത്തിന്‍റെയും യഥാര്‍ഥ മുഖം അനാവരണം ചെയ്യുകയാണ് ഈ കൃതി.

ഒരു മനുഷ്യന്‍റെ വ്യക്തിത്വത്തിന്‍റെ മികവും ഉത്കൃഷ്ടതയും അയാളുടെ സ്വഭാവ പെരുമാറ്റമൂല്യങ്ങളെ ആശ്രയിച്ചിരിക്കുന്നു. ജീവിതത്തിന്‍റെ വിവിധ തുറകളില്‍ പുലര്‍ത്തേണ്ട മികച്ച സ്വഭാവ ശീലങ്ങള്‍ വിവരിക്കുന്ന ഈ കൃതി വ്യക്തിത്വ വികസനത്തിന് ഒരു മുതല്‍ക്കൂട്ടായിരിക്കും. കുട്ടികള്‍ക്കും മുതിര്‍ന്നവര്‍ക്കും ഉപകരിക്കുന്ന ഒരു സ്വഭാവ രൂപീകരണ സഹായി.

ജീവിതത്തിന്‍റെ ഇലയനക്കങ്ങളിൽ ഉള്ളിലുണരുന്ന ആശയങ്ങൾ ഒരു സ്വപ്ന സല്ലാപം പോലെ രചയിതാവ് നമ്മിലേക്ക് പകരുന്നു. കഥയും കിനാവും നിറയുന്ന ഈ അക്ഷരങ്ങളിൽ നിങ്ങൾക്ക് നിങ്ങളെ കണ്ടെത്താം. നിങ്ങളുടെ ചുറ്റുപാടിനെ വായിക്കാം.

ഇസ്‌ലാമിന്‍റെ രംഗപ്രവേശം ഇഷ്ടപ്പെടാത്ത പാശ്ചാത്യലോകം മീഡിയ ഉപയോഗിച്ച് അതിനെ തളയ്ക്കാനുള്ള ഗംഭീര ശ്രമത്തിലാണ്. ഇസ്‌ലാമിനെതിരെ പാശ്ചാത്യമീഡിയ ഉന്നയിക്കുന്ന ആരോപണങ്ങളിലെ പൊള്ളത്തരങ്ങള്‍ തുറന്നുകാട്ടുകയാണ് സീനാ അഅ്സം.

നവോത്ഥാന പ്രസ്ഥാനത്തിന്‍റെ വര്‍ത്തമാനവും നിയോഗവും ഗൗരവപരമായ വിചിന്തനത്തിന് വിധേയമാക്കുകയാണ് ഈ കൃതിയില്‍. പരിഷ്കരണ ദൗത്യങ്ങള്‍ക്ക് ശക്തിപകരാന്‍ ഇത് ഉപകരിക്കും.

മതമൈത്രി പൂത്തുലയുന്ന കേരളത്തെ പടുത്തുയര്‍ത്തുന്നതില്‍ മുസ്‌ലിംകളും നവോത്ഥാന പ്രസ്ഥാനങ്ങളും വഹിച്ച പങ്ക് വിശകലനം ചെയ്യുന്ന കൃതി. ഇതിനനുയോജ്യമായ ചരിത്ര പരിസരമൊരുങ്ങിയത് എങ്ങനെയെന്നും ഇത് പരിശോധിക്കുന്നു.

ഇസ്‌ലാം ജീവിത ശുദ്ധീകരണത്തിന്‍റെ പുതുമഴയാണ്. വ്യക്തിത്വത്തിന് ചന്തമുള്ള വഴിയാണ്. വിശ്വാസിയെ അത് ശാന്തനും പോരാളിയുമാക്കുന്നു. ഉള്ളും പുറവും സ്ഫടിക സുന്ദരമാക്കുന്നു. സദ്ഗുണങ്ങളിലൂടെ സംസ്കാര സമ്പന്നമാക്കുന്നു. സ്വസ്ഥമായിരുന്ന് സ്വന്തത്തെക്കുറിച്ചാലോചിക്കാന്‍ ഇതാ അല്പം ചിന്തകള്‍.

ആദര്‍ശമാണ് ജീവിതത്തിന്‍റെ അതിര്‍ത്തി. കലര്‍പ്പില്ലാതെ പെരുമാറാനും കെല്പോടെ ജീവിക്കാനും ഊര്‍ജമാകുന്നത് ആദര്‍ശമാണ്. നേരും നന്മയും പുഷ്പ്പിച്ച് നില്ക്കുന്ന പൂമരമായിത്തീരണം വിശ്വാസിയുടെ ജീവിതം. തോറ്റുപോകാതെയും തെറ്റിപ്പോകാതെയും വിടര്‍ന്ന് ജയിക്കുന്ന വ്യക്തിത്വം. സ്വസ്ഥമായിരുന്ന് സ്വന്തത്തെക്കുറിച്ച് ആലോചിക്കാന്‍ ചില ചിന്തകള്‍.